الأهم من الهايكينج التحضير له!
شوفت على الفيس بوك بتاعك بوست بيتكلم عن متعة الصعود لقمة جبل سانت كاترين، والموضوع عجبك وقررت ليه لأ انا كمان مطلعش المغامرة دى!
تعالى نقولك حاجات لو مفكرتش فيها رحلتك هتبوظ منك ومش هتبقى ممتعة زى ما انت تخيلت.
المعلومات:
المعلومات شئ قيم ومهم ومينفعش الواحد يتجاهله، المعلومات هتسهل عليك الرحلة وهتخليك تستمتع والخوف من المجهول هيقل جدا،
ودى بعض الحاجات اللى لازم تكون عارف معلومات عنها وانت بتحضر لرحلتك زى انت هتروح فين؟ ومنين؟ وبكام؟ وإزاى؟ ومع مين؟ ويا ترى المكان اللى هتروحه ده مناسب لمستواك الحالى فى طلوع الجبل ولا لأ!
الأكل والشرب:
هل الجبل اللى انت رايحه ده طريقه فى أكل ولا لأ أو الجبل ذات نفسه ممكن تلاقي عليه شجر مثمر ولا لأ، طب بالنسبة للمياة فى بير مياة فى طريق الجبل ولا هتضطر تشيل معاك مياة معدنية كل دى حاجات لازم تكون عارفها قبل ما تتحرك من بيتك.
التمارين:
تأهيل جسمك بدنيا هيسهل عليك الوصول لقمة الجبل، لأن الهايكنج فى الجبل مش سهل ومحت
أي حد يكون على درجة عالية من اللياقة البدنية عشان طلوعك للجبل ميكونش أمر شاق لا يمكن تحمله، ودى مقالة عن بعض التمارين الرياضية اللى هتساعدك تستعد للهايكنج بشكل فعال.
الراحة:
اتمرنت واستعديت كويس للرحلة يبقى ترتاح، مينفعش تطلع الجبل وانت بدنيا تعبان ومرهق عشان كده احنا بننصحك ترتاح خالص قبل الرحلة بيومين.
استعد نفسيا:
لو انت عارف كل المعلومات اللى هتساعدك توصل لهدفك من الهايكنج واستعديت بدنيا كويس
بس نفسيا انت مقتنع انك مش هتقدر يبقى إنت كده مع أول حاجة صعبة هتواجهك فى الرحلة،
هتقف ومش هتكمل، ثق فى نفسك انك تقدر وثق فى اللى حواليك أنكم تقدروا تساعدوا بعد على الوصول لهدفكم وهتوصلوا ليه بأمان..
وبكدة احنا كتبنا عن أهم 5 حاجات تاخد بالك منهم وانت بتحضر لرحلتك.
ومتنسوش تشوفوا باقى مقالات سنة أولى هايكنج على موقعنا.
الهايكنج
الهايكنج
أقرأ ايضاً:
