نبذه عنا

الاسعار متغيرة هنتابع الويبسايت بأستمرار و هنا في الجروب الحاجة اللي سعرها هيتغير هيتم التبليغ بيها

اسعار الجملة و زبون الجملة زي الكامبات او منظمي الرحلات البيعة مبتتقفلش شات بياخد رقمنا و يتصل عليه او ناخد رقمه و بنتواصل معاه و في اغلب انا اللي بقفل معاه الديل في التليفون و دا رقمي الشخصي 01008070571

– اغلب المنتجات تصنيع صيني تقريبا 90٪
– ‏و 10٪ صناعة مصري جودة متوسطة و خامتها محترمة .
نيجي للسؤال الشائع بتاع الجودة اخبارها ايه و المنتج اعتمادي في الصحراء و السفر ولا هيخيش مني !!
– قولا واحدا احنا مش بنعرض حاجة مش مجربنها قبل ما نعرضها
– ‏بنجربها ازاي بنجربها في رحلاتنا او في رحلات مع ناس صحابنا دا قبل ما نعرض المنتج
– ‏كل قطعة بيتعمل عليها تيست قبل ما تخرج للشحن و ابو صلاح بيتشك عليها عشان ميحصلش اي خطأ و طبعا بيحصل بس بسيط جدا الضمان احنا مش بنبيع حاجات برندات احنا بنوفر بدائل مناسبة لاستخدامك بدون تكلفة البرند
فقولا واحدا مفيش ضمان لاني مش باخد ضمان من المورد بس هو لو اصر انه عايز يطمن و دا قليل لما بقى يحصل عن زمان بس بنهندله نقوله تقدر تيجي الاستور بتاعنا تعاين المنتج و تفحصه

حصل مشكلة لسوء الاستخدام او بالفعل مشكلة عيب صناعة حسب الحالة بنبدأ ناخد الاكشن المناسب يعني مثلا خيمة اتكسرت بنساعده يصلحها و احنا المكان الوحيد اللي بيعمل كدة – شنطة اتقطعت نفس الكلام بنساعده يصلحها او بناخدها نصلحهاله – كشاف بطاريته فيها مشكلة بنوفره بطارية تانية.

لكن مش بنبيع و خلاص يعني مش هنخدمه في حاجة بعدها لان الاعتماد عندنا في الريتينشين عالية جدا 👌

مع ان في قليلا من الاستعباط في بعض الحالات بيكون المشكلة عنده هو لسوء استخدامه بس بنهندله بالبلدي

اما المنتجات المصرية جودتها اتحسنت جدا عن زمان و دا المبهر لأنها بتتصنع بقالها ٥ سنين و كل سنة في تحسن من المصنع .

الخيم بتكون بالفرد و دايما الحقيقي في السعه بيكون اقل من اللي مكتوب عليها يعني مثلا الخيمة اللي بيكون مكتوب عليها 4 افراد و هي 210*200*135 م

هي عالميا تقريبا تاخد 4 اشخاص بس هيكونوا مزنقين لان الاستندر العالمي الانسان ينام في 50 سم او احجام اخواتنا الصنين اصغر من احجمنا فاحنا بنوضح نقول للي لسه بيشتري و مستجد ان دي 3 مصريين 😁 دايما بنشيل فرد كدة حتى لو هي 2 فرد دا المكتوب عليها احنا بنقوله دي واحد فرد .

الكراسي في كراسي اخرها 100 و كراسي 120 و كراسي 150 ك كل كرسي مكتوب على الموقع اخره كام و لو حد اكتر من الوزن مش بنبيع ليه لان الكرسي مش هيتحمله

الكشافات و بتقعد قد ايه !! الموضوع دا موضوع لانه يتناسب طرديا مع حجم و سعر الكشاف يعني في كشافات صغيرة ثانوية دي اخرها ساعة و في كشافات كبيرة و بطاريتها كبيرة ممكن تقعد من ساعتين لي 7 ساعات فاحنا بنسمع منه استخدامه و ميزانيته و نبدأ نرشحله

بس بالمنطق الكشاف يعني بطاريه هو مثلا عايز يشتري كشاف 200-250 ج البطارية هيكون اخرها ساعة و نص ساعتين لان البطارية الاستندر اللي بتيجي في كشاف زي كدة جودة منخفضة لان سعر البطاريات الكويسة كبطارية بس 300-400 ج و طبعا تشتغل على الكشاف اللي بي 200 و تقعده 5-7 ساعات كله بيرجع حسب الاستخدام
هيشغله على طول ولا شوية و شوية .

البطاريه العادية بتشحن تقريبا في ساعة ولازم يشيلها بعدها من الشاحن عشان متبوظش

الشنطة باللتر مش كيلو لانه اللتر هو اللي بيقيس الحجم ابسط مثال رايح رحلة يومين تقريبا هيكون محتاج حاجة 30 لتر اللي هي شبه شنطة المدرسة الكبيرة شوية

كل يوم زيادة 10 لتر دي كدة بالوايم لان بيفرق حسب خبرة المسافر .

الاسترنو لو اشتغل متواصل 3 ساعات و حسب برضوا في هوا ولا لا و يتخزن بعيدا عن الرطوبة

المنامات و درجة الحرارة اي حد عايز منامة رايح كاترين و عايزه تستحمل درجة حرارة بالسالب مش عندنا لان الموضوع دا مسؤلية
احنا المنامات عندنا تتحمل ظروف جوية لحد 6-7 و طبعا يكون في عازل مش نايم على الارض مباشر

الارقام اللي على المنامات في منها بيكون كلام تجاري يعني مثلا هو قايل انها تتحمل من 7 لي 3

3 دي الاكستريم و مينفعش نعتمد عليه عشان منسوحش حد عموما لو الشركة المصنعة برند بنعتمد 7 لكن لو الشركة المصنعة حاجة مصري بيكون الارقام دي مش حقيقية بنبدا نقوله مناسبة لظروف جاوية 10 تقريبا .

هو المنامات 4
صيفي و خريفي و للربيع و الشتا
بس في مصر الرفاهية دي مش موجودة هو عايز منامة واحدة و خلاص في الاغلب بياخد اللي هي اسمها عندنا اورجينال و بي 500 ج و بتتحمل لحد 10 .

الناس الفاهمة مذاكرة و هيدخل يقولك عايز الموديل الفلاني .

اغلب خامات المنتجات القماش Waterproof لانها اغلبها الياف صناعية مش قماش بس واتر بروف دي نسبية يعني مينفعش يكون مطر جامد و يعتمد انه خلاص متأمن

هو مناسب لو في ندى بسيط لكن مطر مطر لا مش هيسد معاه عشان برضوا ميحصلش تداخل ما بين ضد المياه و ضد رزاز المياه .

العنوان: 5 ب مكرم عبيد مدينة نصر بجوار مطعم الياسمين
اللوكيشين 👇👇
مواعيد الاستور: 12 الضهر لحد الساعة 10 مساءا
يوم الجمعة 2 مساءا حتى 10 مساءاً
شنطة رحالة -backpacker
‏‪01016223886‬‏ رقم الاتصال و الواتساب الخاص بالشغل

العنوان علي الخريطة

يستغرق الشحن من 3 لـ 5 أيام عمل لجميع محافظات مصر.
* تكلفة الشحن للقاهرة والجيزة 50 جنية
* تكلفة الشحن لوجة بحرى 60 جنية
* تكلفة الشحن لمحافظات الدلتا 60 جنية
* تكلفة الشحن لوجه قبلى 75 جنية
* تكلفة الشحن محافظات البحر الاحمر 75جنية
* ‏جنوب سيناء 100 ج
* تكلفة الشحن للواحات و السلوم 100جنية
* تكلفة الشحن للعريش 150جنية
يستغرق الطلب 24 ساعة حتى تصبح الاوردرات جاهزة للشحن

نيجي لحته الشحن احنا الموضوع ماشي ازاي الاوردرات اللي بتيجي من الساعة 12 بليلو الفجر لحد الساعة 3-4 العصر دي بنتصل نأكد عليهم ردوا و كله تمام بنجهزهم و لو كل حاجة حاضره عندنا مفيش حاجة خلصانة هتيجي من المخزن مثلا يبقى بتتحرك في نفس اليوم

• مثال حد طلب اورد يوم السبت الفجر احنا بنكلمه الساعة 5-6 المغرب نأكد معاه و نسلم شركة الشحن الساعة 8 العشاء
• ‏لو هو من القاهرة بيستلم تاني يوم في الاغلب لو هو متعاون مع شركة الشحن يعني بيستلم الحد او الاتنين
• ‏مش متعاون و فرهدنا بيستلم التلات

لو اسكندرية بيستلم زي بتاع القاهرة تاني يوم

لو بحري و دلتا ياخد يومين

الصعيد 3 ايام

دي الارقام الحقيقي و دي مش بنقولها للزبون عشان ندي نفسنا براح شوية عشان مشاكل الشحن كتير

بس لو حد في القاهرة و مستعجل و احنا متأكدين ان شركة الشحن هتسلمه تاني يوم بقوله تنورنا في الاستور احتياطي لأي عطله من حيث لا نحتسب و هو مدام مسافر و عنده معاد رحلة هيجي او يبعت مرسول او اوبر يستلم

• ‏حاجته مش موجودة خلصانة و هجيبها من المخزن هسلمها يوم الحد لشركة الشحن.